Lā Kūʻokoʻa

Lā Kū‘oko‘a

ʻImi paha kākou i ke kūʻokoʻa i nā lā a pau, akā ʻo ka lā 28 o Nowemapa ka lā kulāia no ke kūʻokoʻa o Ko Hawaiʻi Pae ʻĀina i ʻae ʻia ma ka makahiki 1843. Ma ia lā nō, hoʻomanaʻo kākou Hawaiʻi i ka hana wiwoʻole a Timoteo Haʻalilio a me kona hope ʻo William Richards. Huakaʻi hele lāua ʻelua i ʻAmerika, Farani, a me ʻEnelani i mea e ʻimi ai i ka ʻae i ke kūʻokoʻa o Ko Hawaiʻi Pae ʻĀina. A ʻae nō nā mana aupuni ʻekolu. Eia naʻe, iā lāua e hoʻi ana i Hawaiʻi nei, ua hala ʻo Haʻalilio. Mōlia nō ke ola o ia aloha ʻāina no ke kūʻokoʻa o kona home aloha. Pehea ʻoe i hoʻomanaʻo ai i ke kūʻokoʻa ma ka lā 28 o Nowemapa?