Ke Kahua Pa‘a o ke Au Hou

Ke Kahua Pa‘a o ke Au Hou

E nā hoa ʻōlelo Hawaiʻi, e maliu mai i nā leo honehone o Keauhou e kamakamaʻilio ana e pili ana i ke kahua paʻa a lākou e kū ana, ka ʻike Hawaiʻi a me kā kākou ʻōlelo makuahine. ʻO ia nō ke holomua ai lākou. A ʻo kahi i hua ai kekahi māhele o ia ʻike, ʻo Kapālama nō.

A ʻo ua kahua paʻa nei, me ia nō i lanakila ai lākou i nā makana he nui! Ua hiki nō ke ʻike ʻia ko lākou ʻano haʻahaʻa a keonimana nō hoʻi a mahalo ʻia hoʻi kā lākou hoʻāʻo ʻana e hoʻokō ai i ke kuleana a kā lākou mau kumu i hoʻoili ai ma luna o lākou. A wahi a lākou, ma o ka ʻōlelo e ola ai kākou. E ola mau!